COMUNICADO DE PRENSA DA ASOCIACIÓN GALEGA DE TRABALLADORES DA SEGURIDADE PRIVADA (AGASEP) - ASOCIACIÓN PROFESIONAL DE GARDAS (APROGA)

- Tralos tristes sucesos acontecidos o pasado fin de semana nunha discoteca de Madrid, durante os cales, uns individuos arrebatáronlle a vida a un mozo, que disfrutaba dunha noite de ocio, AGASEP-APROGA, desexa comunicar:

1º As máximas condolencias á familia e amigos da víctima.

2º Instar ó Ministerio do Interior e administracións correspondentes, para, que dunha vez por todas, lexislen e regulen a figura do porteiro de discoteca, labor que, coma poudimos comprobar máis dunha vez, está a ser desenrolada, na maioría dos casos, por xente que só traballan cos músculos dos seus brazos, por non falar da inventiva para crearen normas arbitrariamente, segundo o seu estado de ánimo. E cremos que, a expensas das administracións públicas, pola falta de lexislación e control deste fenómeno.

3º AGASEP-APROGA, desexa tamén, que todo o peso de la lei, recaia sobre estes asasinos, e loxicamente sobre as persoas que os teñen contratados, coma primeiros responsables de tan aciago acontecemento.

4º Que se cumpra, e se faga cumprir, tanto a lei de Seguridade Privada, como a de Espectáculos Públicos e a de Industria, sobre estes locais, para que acontecementos coma este, no volvan a suceder, para que tódolos cidadáns poidamos tomar una copa ou disfrutar dunha noite de ocio entre amigos, sen entrar en locais, xa intimidados por estes individuos, e sen ter que mirar, se hai extintores, que as saídas de emerxencia non están atrancadas (no caso de que existan), se ten licencia, etc…

5º Expresar, tamén, que dentro do colectivo de porteiros de discoteca traballan, como non, grandes profesionais, pero que loxicamente, carecen de regulación algunha, e estes graves acontecementos, salpican de descrédito, o que sen dubida dificultará a súa tarefa.

6º Indicar, ós medios de comunicación, que soamente os Vixiantes de Seguridade, Gardas Particulares de Campo, ambas cas súas especialidades, Detectives Privados, Xefes de Seguridade e Directores de Seguridade, son as únicas figuras habilitadas para exercer na Seguridade Privada segundo a lei actual, e subliñar que non existen os mal chamados "Vixiantes Xurados", "Gardas de Seguridade" ou "Gardas Xurados".

¿Qué é AGASEP?

A Asociación Galega de Traballadores de Seguridade Privada, é unha Asociación profesional e independente composta por traballadores do sector da Seguridade Privada cun gran obxectivo: a mellora, defensa e recoñecemento de tódolos traballadores do sector, un sector pouco valorado e con un recoñecemento insuficiente como é o sector da Seguridade Privada.

¿Cáles son nosos fins?

A existencia de AGASEP ten como fins:

• Contribuír ó coñecemento e divulgación da normativa vixente no sector da Seguridade Privada.
• Velar polo prestixio profesional e a dignidade de tódolos profesionais do sector da Seguridade Privada e en especial no dos seus membros.
• Contribuír ó impulso da profesión en todos aqueles ámbitos e instancias públicas ou privadas que se consideren oportunas.
• Representar ós seus asociados ante as diferentes Administracións e Entidades públicas ou privadas.
• Fomentalas relacións e a cooperación cás Forzas e Corpos de Seguridade do Estado, así como cos Corpos da Policía Autonómica e Policías Locais.
• Promover actos culturais, profesionais e de formación entre seus asociados.
• Realizar actividades de información sobre situacións profesionais, sociais, culturais, deportivas, organizando cursos, seminarios e conferencias entre seus asociados.
• Poñer de manifesto a tódolos niveis, a importancia social e económica do sector da Seguridade Privada.
• Calquera outro que tenda á máis eficaz defensa dos intereses colectivos dos seus membros.

¿Qué lle ofrecemos ós nosos asociados?

• Asistencia xurídica gratuíta: contratada co Letrado Jorge Vázquez Vázquez, gracias ó cal os asociados teñen a garante da cobertura xurídica no concernente a actuacións de carácter profesional, non laboral. Debido á particularidade de horarios da nosa profesión esta asistencia está dispoñible as 24 horas do día, 365 días ó ano. Loxicamente, esperamos que o servizo que se utilice fóra do horario de oficinas sexa en caso dunha consulta inmediata e urxente.
• Asesoramento xurídico gratuíto: non só para as consultas profesionais, senón para calquera tipo de consulta xurídica. O asesoramento tamén é valido para a unidade familiar, fillos, pais, maridos, mulleres.
• Cursos de balde e descontos na realización de cursos nos Centros de Formación Especializadas CIS.
• Descontos dun 20% en roupa e material de seguridade, (moi interesante para os Gardas de Campo e Pesca) en Rivera G. Montero.
• Os socios recibirán nos seus domicilios a revista Sector Seguridad completamente de balde.
• Esperamos ir ampliando esta lista para cos socios de AGASEP se poidan beneficiar de máis cousas.
• Poraste beneficiar de todo isto por só 6 € ó mes.

Se desexas asociarte ou queres recibir información mándanos un e-mail a agasep_@hotmail.com agasep_@hotmail.com